以下是一般車主對冷氣系統的常見問題：
冷氣時凍時熱點搞?
夏天真係到啦﹗天文台最高氣溫指數好快又會介乎31-34度，相信好多朋友駕車時都會開大個冷氣，務求令車廂涼快一點。最近好多客人都話部車舊了，大熱天時想開冷氣爽一下，但係部車個冷氣真係唔涼，冷氣口仲有水珠滴水，而且送風口仲有異味傳出！究竟咩原因會導致以上情況出現？又有咩方法可以根治？.
冷氣泵
冷氣開到最大都好似唔係好夠凍！以下例子配件有問題都可能導致冷氣開到最大都好似唔係好夠凍咁：冷氣泵損壞、雪種喉爆裂、冷氣散熱網散熱唔夠、凍COIL淤塞等都會導致冷氣唔夠凍。其實要check冷氣系統正唔正常，其實開啟A/C冷氣掣時，留意引擎艙冷氣泵開的時間有冇「得」一聲，如果 '無' 則表示冷氣泵無運作，風口只會出風冇凍風送出。
散熱網唔夠散熱
如果冷氣泵冇壞，冷氣已開到最大，感覺都好似唔夠凍的話，好可能就係冷氣散熱網唔夠散所致！由於散熱網本身係將高壓雪種作冷卻再送至凍COIL作製冷然後送出凍風，如果散熱網被塵垢阻隔散唔到熱，高壓雪種做唔到冷卻，凍COIL就會無法達到製冷效果！所以無論係新車或易手車也好，都要定期作散熱網清洗！
凍COIL
凍COIL究竟有咩作用？凍COIL本身係將低壓雪種透過內置valve將低壓雪種轉送至cooler作製冷效果。凍coil上附有恆溫計，如果凍coil淤塞，表面就會結冰，所以不時有好多客人都會話個冷氣開極都唔夠凍，就係因為凍coil淤塞結冰所致，而且開冷氣時會有水珠噴出。(如果凍coil損壞，一定要成個換)
冷氣風隔定期換
現時好多新車款都已設有冷氣風隔，如果發現冷氣風唔多夠，就要check個冷氣風隔係唔係塞了！如果經常用循環風的話，冷氣風隔就可令空氣得到過濾，如果風隔好污糟，風力就會大減，自然唔夠風出，所以大家要定期更換冷氣風隔，這樣都可令冷氣涼快一些。
開冷氣基本法
開冷氣其實有竅門！想部冷氣耐用一點，開冷氣之前最好先開上最少風量，其後再啟動A/C掣。如要熄車死火，最好在熄車前3-4分鐘關上A/C掣，讓雪種得到回流，其後再關上風量掣先熄車，以上動作可確保冷氣系統得到保護。如果經常又開又關冷氣的話，好容易會令冷氣泵報銷，而且建議大家如要激踩引擎的話，最好先關上冷氣，避免冷氣泵因長期高轉影響而報銷。
冷氣有異味點搞？
冷氣已經涼番晒，但係送風口送出的凍風傳出一陣陣異味點算好？冷氣傳出異味相信好多車主都感受過，因為經常啟動循環風模式，這樣吸風口就會將車廂之煙臭味、汗臭味、香精味等一一混合，送風管內就會慢慢變成細菌集中營，所以冷氣會傳用異味及傳播細菌。市面上出現好多車廂除臭及殺菌噴劑用來清洗冷氣系統！但最一勞永日既方法都係駛部車到專業既汽車維修中心做一次 冷氣全系統檢測消毒服務
|
